VIAR GIALA SIND DÄ SUMMER AS PAAR ALPAFLÜG GO MACHA
DREI JÜNGERI MIT EM SCHIRM AN ÖPPIS ÄLTERA MIT EM DRACHA
DIE JUNGA DREI IM GASPEDAL, DR ALT MIT BÜGEL ZOGA
SIND SIE DR CHANCALOSA KONKURRENZ UM D’OHRA GFLOGA
DR ÄLTERI HEISST ULRICH ROLF UND DÄ HÄT SCHU MOL GWUNNA
D’INTERLAKNER MEISTERSCHAFT, Z’BREVET NO NIANA NUMMA
ALS JUNGA SCHU AS TALENT FÄGTS IM IM ALTER IMMER MEH
GWINNT ER DOCH IM NULLNÜNI GLATT DR DELTA CCC
DR ZWEIT PILOT IM BUND ISCH VIZEMEISCHTER NEUASCHWANDER
DASCH DÄ WO SPIRAL LANDET UND AU LOOPED WIE FASCHT KAI ANDER
AR GLEITSCHIRM SM HÄT ER GSCHPÜRT, WENN I GUAT FLÜGA BRINGEN HAI
MIAR GRATULIAREN DIAR ZUM SILBERPLÄMPEL FÜR PLATZ ZWAI
DR ÄLTISCHT VU DA JUNGA DREI DAS ISCH DR STEFAN WYSS
DÄ HÄT I SIR KARRIERA SCHU ERFLOGA MENGA PRIS
BIR EM UND BIR WM NO KONSTANT AM RUCKA Z’ZWAI
ISCH ER JETZ SCHWIZERMEISTER UND DAS ERSCHT NO DOPINGFRAI
DR JÜNGSCHT VU DEM QUARTETT DÄ NENN I MISCHTER ÜBERFLÜGER
ISCH DOCH DER CHRIGEL MURER DR ÜBERLEGENSCHT X ALPS SIEGER
AM DELTA GSESCH NA NÜMM SO OFT, FASCH ALL FINDEN DAS SCHAD
STÖND DOCH FÜR IHN NOCH SM TITEL NO EM UND WM PARAT
AM LIABSCHTA WÜRDEN MIAR EU VIAR MIT KÖHLA RIECH BESCHENKA
MIT GELD JEDOCH KA MA DR MENSCH IN FALSCHI BAHNA LENKA
UND DRUM GITS STATT MONETA FÜR AS LÄBA IN SAUS UND BRAUS
NUR A FEINI GUTTRA ROTWII UND A TOSANDA APPLAUS
DR OLIMPISCHI GEDANKA SEIT KAI GELD DASCH DOCH NIT TRAGISCH
S’ISCH EH SCHU JEDA GLÜCKSPILZ WO ZUM FLÜGA I DR LAG ISCH
DRUM GIALA MACHEN WIETER SO, IAR HÄND VORBILDFUNKTION
IM SINN DAS FÜR AN ECHTA FLÜGER D’FREUD ISCH GNUAG ALS LOHN
ALS GRAN FINALE FOLGT NO D’EHRIG VU DA PIONIARA
WO SICH DURCH MICHEL FRED HÄN LO ZUM FLÜGA INSPIRIARA
DAS FLÜGA Z’LÄBA SCHÖNER MACHT HÄND DIA SCHU SEHR FRÜA Checked
UND FÜR SÖTTIG WOHRI WEISHEIT SCHICKI DENA MI RESPEKT
